حرت شختار غير اني احبك
دخت ملكَيت غير اني احبك
أعيبه الكال غيري اني احبك
واعيبك لو تحب انت عليه
~~~~~~~~~
اتعارك ياحلو لجلك واطكَ طكَ
وللحساد اذب حرمل واطكَطكَ
افرح من تراسلني واطَ طكَ
واطكَ اصبع من تسألأ عليه
~*~*~*~*~*~*
وصل شامت عليه وشن على اهلك
اللطم والدك علينه وشن عل اهلك
اجي البابك واشتم والعن اهلك
واهجم بيته ليبعدك عليه
############
اريد امشي نهار وليل وسعى
على اسمر طويل وعين وسعى
يحفار الكبر الله عليك وسعى
احنه ثنين ودفنونه سويه
**************
ندوخ احنه بدونك يا هوانه
ومن ما اشوفك ما اعرف ياهو انه
كَوكَل اصيرن لك وياهو انه
دبليو دوت وتدخل عليه
()()()()()()()()()
ولوني يهل تنشد على حالي ولوني
انه الجنت مهيوب واحبابي ولوني
حبيبي يريد من لحمي ولوني
اكلني وضحك الشامت عليه
^^^^^^^^^^^^^^
تغيب الروح بغيابك واردهه
كتاب جفاك من عندك وردهه
روحي بفركَتك يذبل وردهه
شمس انت وتنور الدرب ليه
$$$$$$$$$$$$$$
سماح اطلب انا منك وهدنه
كمش بيد التعورنه وهدنه
جبل راكع خجل جيتك وهدنه
اصير تراب وانت اسحك عليه
~~~~~~~~~~~~~~~~~
تلوعنه وشفنه حلاوتهم ومرهم
والروح تمشي على طوعهم وامرهم
حبيبي دوة لجروحي ومرهم
تمنيته يجي ويحن عليه
%%%%%%%%
غيرك ما حله بعيني ولا طاب
ودونك ما دخل كَلبي ولا طاب
يجرحي وياك لا هوّد ولا طاب
دم ينزف ولا تدري بيه
)))))))))))))((((((((
حاليا لهنا وبس انشالله يعجبكم الموضوع واشوف ردودكم منورة الصفحه مالتي